Mae’r graff isod yn dangos y nifer cynyddol o fyfyrwyr ag anawsterau iechyd meddwl (2006). Mae hefyd yn dangos y gwahaniaeth sylweddol rhwng nifer y myfyrwyr sy’n datgan ochr yn ochr â’r amcangyfrif uchaf o rhwng 6% a 10% o fyfyrwyr sy’n profi anhawster iechyd meddwl sylweddol yn ystod eu cyfnod astudio.

Darpariaeth gwasanaeth gyfredol

Er bod pob un o’r tri sefydliad yn darparu cymorth cwnsela, dim ond Prifysgol Abertawe sydd â chydgysylltydd iechyd meddwl parhaol, sy’n darparu cymorth i fyfyrwyr a chyswllt mewnol ac allanol yn benodol.  

Canolfan Asesu Anghenion (LMA) De Orllewin Cymru

Bydd y prosiect yn datblygu canolfan ragoriaeth ar gyfer asesiadau Lwfans Myfyriwr Anabl yn Ne Orllewin Cymru, cyfleuster y mae ei angen ar frys ac a fydd yn cael effaith uniongyrchol a pharhaol ar fyfyrwyr ag anableddau.

Bydd y swît LMA bresennol ym Mhrifysgol Abertawe (PA) yn cael ei gwella er mwyn galluogi newid sylweddol yn nifer yr asesiadau y gellir eu cynnal a bydd Abertawe yn bwynt cyfeirio cyntaf i bob SAU. Bydd asesydd dan hyfforddiant yn cael ei benodi a’i hyfforddi dros amser er mwyn diwallu’r gofynion i gynnal asesiadau ar draws yr ystod lawn o anableddau.   Yn ystod oes y prosiect, bydd yr hyfforddai yn canolbwyntio ar gyflawni asesiadau ar gyfer y grwp anabledd mwyaf mewn AU, Anawsterau Dysgu Penodol (Dyslecsia, Dyspracsia, Dysgraffia, Hyperlecsia ayyb.)

Bydd yr hyfforddai hefyd yn sicrhau bod y Ganolfan Asesu yn gweithredu yn ôl y safonau uchel a osodir gan y Grwp Sicrwydd Ansawdd LMA a’i bod yn cael ei chymeradwyo yn yr archwiliad sydd wedi’i drefnu ar gyfer mis Medi 2008.

Beth yw’r LMA? Cliciwch yma.