Cynaliadwyedd

Sefydlwyd y Prosiect hwn er mwyn helpu'r tri Sefydliad partner i wella cynaliadwyedd bywyd ar gampws ar gyfer eu staff a'u myfyrwyr. 

Trwy drin cynaliadwyedd mewn ffordd gydweithredol, nod y prosiect yw gwella'r modd y rheolir ein defnydd o ynni a dwr, gwella ailgylchu ac ailddefnyddio cyfleusterau, a chyflwyno ymgyrch ymwybyddiaeth proffil uchel. 

Ar hyn o bryd mae Prifysgol Abertawe'n gweithio er mwyn ennill ardystiad i safon 14001 y Sefydliad Rhyngwladol Safoni (ISO) trwy gyflwyno System Reolaeth Amgylcheddol (SRA) a nod y prosiect yw estyn y system hon i Brifysgol Fetropolitan Abertawe a Choleg y Drindod Caerfyrddin.

Cyfarwyddwraig y prosiect yw Elizabeth May, Rheolydd Amgylcheddol Prifysgol Fetropolitan Abertawe.  Swyddogion y Prosiect yw Mark Blackmore ac Anna Rawlings sydd hefyd yn gweithio'n agos gyda Mark Durdin, Peiriannydd Ynni ac Amgylchedd ym Mhrifysgol Abertawe, a Clive Howells, Pennaeth Ystadau yng Ngholeg y Drindod.